तत्पूर्वी, अजित पवार यांचे निकटवर्तीय मानले जाणारे आणि त्यांच्या गटाचे प्रवक्ते आमदार अमोल मिटकरी यांनी एक ट्वीट केलं आहे. यावर शिवसेनेच्या ठाकरे गटाचे खासदार संजय राऊत यांनी प्रतिक्रिया दिली आहे. संजय राऊत म्हणाले, “कोणी काही ट्वीट करायची गरज नाही. अजित पवार हे उपमुख्यमंत्री बनायला गेले तेव्हाच मी सांगितलं होतं की, अजित पवार हे लवकरच मुख्यमंत्री होतील. हे सांगणारा मी पहिला माणूस होतो. महाराष्ट्राला नवा मुख्यमंत्री मिळेल, हे मी आधीच सांगितलं आहे.” दरम्यान, प्रसारमाध्यमांच्या प्रतिनिधींनी दोन्ही उपमुख्यमंत्र्यांच्या नागपुरातील बॅनर्सवर प्रतिक्रिया विचारली असता संजय राऊत म्हणाले, “देवेंद्र फडणवीस आणि अजित पवार दोघे मिळून एकनाथ शिंदेंचा करेक्ट कार्यक्रम करतील.”

हेही वाचा” …तुम्ही कसले विश्वगुरू? पेटलेलं मणिपूर तुम्हाला शांत करता येईना ; राऊतांचा मोदींवर हल्लाबोल”

संजय राऊत म्हणाले, ही दोस्ती आहे, देवेंद्र फडणवीस आणि अजित पवारांचे जवळचे संबंध आहेत, हे दोघे मिळून एकनाथ शिंदे आणि त्यांच्या गटाचा अगदी मस्त कार्यक्रम करतील. हे मी पहिल्या दिवसापासून सांगत आलोय. सगळं काही ठरलेल्या स्क्रिप्टप्रमाणे होईल.